Coordination meeting sa tunga sang transition team nanday Mayor Albee Benitez kag Congressman Greg Gasataya natalana sa madasun semana.
Nakigsapol na ang Department of the Interior and Local Government kay Mayor Albee Benitez makaligad ang adlaw sang pinili-ay para sa natalana nga transition sa tunga nila ni Congressman Greg Gasataya.
Si Benitez kag Gasataya ang lunsay nagdaug.
Ginpahayag ni Secretary to the Mayor Jose Marty Go nga may naka-schedule na nga coordination meeting sa tunga sang natukod nga transition team sang alkalde kag sa kampo ni Gasataya.
Kabahin sa ginapahanda nga mga dokumento sang DILG para sa turn-over ang mga financial report, development plans kag iban pa nga mga gina kinahanglan nga records.
Mahimo sa madason nga semana magatalana sang focal persons ang magtimbang nga grupo para sa transition.
Sa Hunyo 30 natalana ang assumption of office sang tanan nga mga elected kag re-elected officials.