Shadow

Transition team sang Leonardia kag Benitez administration nag-atubangay na

Wala sang ginturn-over nga dokumento ang transition team ni outgoing Mayor Evelio Leonardia sa katapo sang interim transition team ni Mayor-elect Albee Benitez sa ila pagsinapol sa Masskara hall sa Bacolod City Government Center, Miyerkules sang hapon.

Gani siling ni re-elected Congressman Greg Gasataya nga nagapamuno sang interim transition team, sila na lang mismo ang magakuha sang mga dokumento sa tagsa ka mga city department.

Suno kay City Administrator Edward Cuansing, kumpleto na ang mga dokumento sa mga department nga pwede mausisa sang transition team ni Benitez.

Pero para kay anay Councilor Ceasar Distrito nagapakita lang nga nagapanago ang administrasyon sang outgoing Leonardia administration sa responsibilidad para kuntani sa masulhay nga turn-over.

Ginpahayag naman ni Joy Madayag, pamuno sang Department of the Interior and Local Government nga ang pagsinapol ang natigayon agud maistoryahan sang magtimbang nga bahin ang mga guidelines sa natalana nga turnover ceremony sa Hunyo 30.

Secured By miniOrange