Transition Team sa Provincial Health Office nga maga sugod sa bulan sang Abril ang gin-recommend ni Provincial Health Officer Dr Ernell Tumimbang nga maga retiro sa Hunyo.
Sa iya sulat kay Negros Occidental Governor Eugenio Jose Lacson paagi kay Provincial Administrator Rayfrando Diaz, ginsiling ni Tumimbang nga dala sang iya nga mandatory retirement sa Hunyo 9 siya ang naga recommend sang transition team nga maga sugod trabaho sa PHO sa sini nga Abril.
Suno kay Tumimbang ang transition team ang iga orient sa nagkalain-lain nga programa kasubong man sang naka line – up na nga mga activities sang PHO. Magluwas sini madamo pa gid sang iban nga concerns nga luyag matalakay sa transition team, lakip na diri ang Universal Health Care implementation.
Dugang pa niya, sa indi madugay magasugod na siya process sang iya nga retirement papers. Pero bisan pa, suno sa duktor siya sa gihapon ang maga hatag sang assistance sa team kun kinahanglan ini.