Naga sugod na ang National Task Force Against Covid 19 sa pag formulate sang Covid-19 exit plan para man sa transition sang Covid-19 pandemic sa endemic.
Suno kay Dr. Chris Sorongon, deputy for medical data and analysis sang Emergency Operation Center nga sa Setyembre ginapaabot nila ang anunsyo nga mahalin sa World Health Organization kag Department of Health.
Nalakip sa mga parameters para sa endemic transition amo ang manubo nga hospital capacity utilization rate, manubo nga Covid-19 incident rate ukon yara sa low risk classification, may mataas nga vaccination rate kag population protection.
Ini man ang pila lang sa mga factors nga suno kay Sorongon kun ngaa napaidalom sa alert level 1 ang Bacolod.
Pero sa pihak man sang amat-amat nga recovery kag integration sa negosyo kag ekonomiya nagapangabay sa gihapon ang EOC sa publiko nga maghalong kag dapat magpabakuna kontra sa virus.