Sini nga first quarter sang 2026 gina paabot nga mahuman kag magabukas ang trails sa mga falls sa Mambukal Resort and Wildlife Sanctuary.
Ginsiling ni Provincial Administrator Rayfrando Diaz nga indi na mangin madugay pa ang pag hulat para sa trail trekking sang mga interesado tubtob sa 7th falls sang Mambukal.
Nakumpleto na suno sa iya ang trail sang humalin sa 6th tubtob paidalom sa 1st falls. May mga namutikan nga landslide nga gagmay sa launching area kag ini sa karon ang gina kaayo paagi sa pagbutang sang slope protection.
Sini lamang tigayon naman napaidalom sa training ang mga maga guides kag ini sila ang mga residente mismo sang Brgy Minoyan sa Murcia. Ini ang naga serbe mismo nga papel sang pag pakigbahin sang komunidad sa amo nga proyekto.
Suno kay Diaz sila ang gin-train sa first aid skills, basic life support kag paano mag amlig sang palibot labi na ang flora and fauna sa palibot sang Mambukal Resort and Wildlife Sanctuary.
Magluwas nga sila ang maga trabaho bilang trail guides maga serbe man sila nga patrollers para sa palibot sa pag amlig sini.*