Ginapaabot nga maga operate na liwat sini nga semana ang traffic lights sa Sum-ag.
Suno sa pamuno sang Bacolod Traffic Management Department nga si Atty. Reuben Mikhail Sabig, nabayaran na sang nagligad nga semana ang kuntador sang natungdan nga traffic lights.
Dugang pa niya, sang ginpatigayon ang road widening project, nadala ang traffic lights kag naguba ang pila ka mga wiring sini. Ini ang isa sa mga rason kun ngaa wala ini naka-operate.
Dugang pa ni Sabig, wala na ini naga-operate antes siya ginbutang sa pwesto bilang hepe sang BTTMD.
Pero ginapaabot nga sini nga semana magabalik na ang supply sang kuryente sang traffic lights.
Suno pa sa iya, isa man sa mga rason kun ngaa wala ini naka-operate bangud gin-utod ang supply sang kuryente bangud ang bill nga dapat ihatag sa opisina sang BTTMD ginahatag sa barangay.
Bangud diri, wala ini nabayaran sang opisina kag amo ang rason sang pag-utod sang kuryente.*