Isa ka concerned citizen ang nagpadala sang sini nga video…
Patalang kuno ang traffic light ilabi na kun talagsa ka lang naga labay diri sa may bangga patyo sa dalan Burgos sa Bacolod.
Kun halin ka sa area sang Villamonte padulong sa Burgos Market makibot nga nga pagka patay sang stop light… wala na sang may naga siga nga suga sa traffic light nga imo gina sugata. wala sang yellow, wala na sang green.
Pensaron mo nga guba ang traffic light kag sa pagtabok mo kibuton ka na lang nga nag andar na naman ang stop light.
Ano buot silingon sini go? Ukon goba?
Ok kuno sa mga oras nga may traffic enforcer suno sa tagreklamo kay may naga guide sa motorista, pero kun wala, ga asa ka man sa wala. Gani ang resulta naga guot ang traffic.
Gani amon ginpalab-ot sa pamuno ang Bacolod Traffic Authority Office kag Traffic Management Unit ang ini nga problema.
Suno sa kay Lt. Col. Luisito Acebuche, may nagpalab-ot man sa iya sang reklamo parte diri gani iya ini nga ginpa ubra gilayon.
May spare part lang kuno nga gina pangita pero gin aksyonan na ini. Samtang wala pa makaayo may gin pahamtang diri nga traffic enforcers.
Ah teh bantayan na namon sir nga mahuman na ah. Maayo kay gin aksyonan man gale dayon ah. Huya man ta!