Suspended until further notice ang traffic personnel nga nakuhaan sang litrato nga naga angkas sa motorsiklo nga wala sang helmet.
Ini ang ginpahayag ni BTAO head Patrick Lacson matapos matalupangdan nga may mga violation man ini sang nagligad pa nga tinuig.
Wala na ginhingadlan pa ni Lacson ang enforcer nga job order worker.
Isa ka netizen ang nag-post sang amo nga litrato sa social media gani gilayon man ini nga gintagaan atensyon sang pamunuan sang BTAO.
Para kay Lacson indi niya luyag nga sila mismo ang maga supak sang pagsulundan sa trapiko nga ila man ginapatuman.
Gani magluwas sang suspension ila man gin issuehan sang citation ticket ang amo nga traffic enforcer.