Nag-idas sa kilid sang flyover sa Barangay Bata sa Bacolod ang mga traditional jeepney nga wala na kaina ginbyahe sang mga driver kag operators nga nag-upod sa rally kag panawagan para sa pag-untat byahe sang grupo nga BACOD-MANIBELA.
Ginsiling ni Rudy Catedral chairperson sang BACOD ukon Bacolod Alliance of Commuters, Operators and Drivers nga nagakadapat nga matagaan sila sang bag-o nga prangkisa paagi sa provisional authority nga gina-issue sang Land transportation Franchising and Regulatory Board agud nga makabyahe sila sang legal sa dalanon.
Ang mga traditional jeepney nga wala nag-upod sa consolidation sa ginapatuman nga public utility vehicle modernization program ang wala na matagaan sang Provisional Authority humalin sang nagligad nga tuig.
Upod sa katapo sang BACOD ang grupo nga KNETCO nga nag-rallly sa Bacolod Public Plaza.
Kabahin sa panawagan nila ang ginaduso nga financial subsidy agud nga ma-rehabilitate ang mga naga-byahe nga traditional jeepney sa pungsod.