Kapin isa ka libo nga katapo sang transport organization ang nag-rally agud pamatukan ang natalana jeepney phase-out.
Nagpatial sa init kag nag marcha ang masobra isa ka libo nga mga traditional jeepney drivers kag operators palibot sa Bacolod Public Plaza sang ini lang nga hapon.
Sa pagpanguna sang katapo sang Bacolod Alliance of Commuters, Operators and Drivers ukon Bacod nanawagan sila para pamatukan ang pag-phase out sang ginabyahe nga traditional jeepney.
Upod sa katapo sang UNDOC gilayon sila nga nagpatigayon sang malip-ot nga programa sa fountain of justice sa atubang sang daan nga city hall.
Suno kay Bacod Presidente, Rudy Catedral, rehabilitation sang mga traditional jeepney ang kinahanglan nga suporta sang transport sector kag indi ang pagkakas sa ila sa mga dalanon.
Handa man ang katapo sang grupo nga mag-upod sa jeepney modernization program kun dulaon ang pagsulundan angut sa pag-consolidate sang ila mga prangkisa.
Sa December 31 maga expire na ang gin-issue sa ila nga extended provisional authority nga maka-byahe.
Pero naga ayo siya sa gihapon matuman ang dugang nga extension agud bisan paano makapadayon sila sa ila mga palangabuhian.
Sang ini lang nga hapon, nakigdayalogo man ang katapo sang transport sector kay acting city Mayor El Cid Familiaran para ihinyo ang paghatag sang extension sa ila provisional authority.