Tracking system sa paghakot sang basura ipatuman agud mapahagan-hagan ang backlog sa basura sang siudad.
Ginkasugtan sa pagsinapol sang katapo sang Solid Waste Management Board ang paggamit sang tracking application sang IPM-CDC sa ila mga garbage truck.
Pinaagi sini ginsiling ni Mayor Albee Benitez nga sarang mapaayo pa gid sang private contractor ang garbage collection.
Sa bulig sang tracking app mahibaluan sang pumuluyo kun diin ang location sang mga garbage truck kag mahandaan nila ang paglabay sini sa tion nga maghakot na sang basura.
Sa madasun nga semana ipatuman ang tracking system.
May yara man sang zonal collection schedule agud mangin mahapos sa publiko ang pag-monitor sang oras sa paghakot sang basura.
Ang IPM-CDC ang natagaan sang extension sa kontrata angut sa paghakot sang basura sang siudad tubtob Abril.