Binulan na nga wala makabalik sa towing operation ang Metro Towing Services upod sa Bacolod Traffic and Transportation Management Department para mahawanan ang mga “no parking areas” sa Bacolod.
Ginsiling ni Councilor Al Victor Espino, natigayon na nga nahatagan sang accreditation ang towing service ugaling wala pa sila maka-submit sang ila renewal application sa konseho.
Ginaduso ni Espino nga dapat ma-review ang kaundan sang natukod nga towing ordinance bangud nagakadapat nga malakip sa serbisyo sang accredited towing company ang clamping operation.
Sandig sa nakasugtan, ang siudad ang magakuha sang 25 percent sang collection fees gikan sa towing operation.
Tubtob karon nagapabilin nga bukas ang Bacolod LGU sa dugang nga mga towing services nga interesado agud mapabaskog ang citywide towing kag clamping operation.