Fully booked na ang mga hotel para sa highlights sang Masskara Festival sa Bacolod.
Suno kay Bacolod City tourism officer Ma. Teresa Manalili, halos fully-booked naman ang mga flight schedule pa-Bacolod sa ulihi nga semana sang selebrasyon.
Sa anum ka mga nabuksan nga festival sites makita man ang pagdagsa sang tumalan-aw, ilabi na mga bisita.
Gani kumpyansa si Manalili nga malab-ot ang target sang siudad nga ma accomodate ang 200 thousand visitors para sa ginakabig grandest Masskara celebration karon nga tuig.
Sang tinalikdan nga mga tinuig, may masobra sa 80,000 ang visitor arrival sa Bacolod kada Oktubre. Pero nagapati si Manalili nga malabawan ini karon nga nakabalik ang paghiwat sang selebrasyon sa pihak sang pandemic.