Simple kag memorable nga seromonya kag indi kinahanglan nga magasto ang ginatuyo sang Department of Education para sa mga graduating students sa mga pampubliko nga eskwelahan sa high school.
Gani suno kay DepEd Western Visayas spokesperson Hernani Escullar indi mandatory ang pagsuksok sang toga kag pati na ang yearbook base sa na-issue nga memorandum.
Ginklaro ni Escullar naka-depende sa nakasugtan sang katapo sang Parents Teachers Association kun luyag nila magsuksok sang toga ang mga graduates kag dapat coordinated ini sa pamunuan sang eskwelahan.
Indi anay makahatag sang komento si Escullar sa natabo nga pagpa-uba sang school principal sang ginasuksok nga toga sang mga graduating students sa Antique samtang nagapadayon ang imbestigasyon.
Sa gin pa gwa nga pahayag sang pamunuan sang DepEd Regional Office magapatuman sila sang nagakaigo nga intervention plan sandig sa mangin resulta sang pagpangusisa sang natukod nga investigation team.