Dugang nga serbisyo ang sarang ma avail sa Teresita Lopez Jalandoni Provincial Hospital karon nga nakabakal na ang probinsya sang 2D echo machine.
Suno kay Provincial Administrator Rayfrando Diaz, ang dugang nga medical equipment kabahin sang upgrading sang ospital kag mabuligan man ang mga pasyente nga naga kinahanglan sini labi na ang mga indigent ukon ang mga wala sang sarang.
Suno kay Dr Mary Ann Maestral ang pamuno sang TLJPH, isa ka multi function machine para sa 2D echo kag ultrasound test kag vascular studies ang ginbakal sang probinsya.
Kun ang mga indigent nga pasyente katapo sang Negros Occidental comprehensive health program pwede sila maka avail sang serbisyo sini nga libre.
Padayon ang pag upgrade sa mga ospital kag may 100 million pesos nga pondo nga napain para diri.