Ginahikot sa karon sang probinsya ang accreditation sang molecular laboratory sa Teresita Lopez Jalandoni Provincial Hospital sa Silay City para maka patigayon man sang testing sa mycoplasma pneumonia ukon ang walking pneumonia.
Suno kay Dr Girlie Pinongan ang Provincial Health Officer kasubong man ang Hospital Operations Department Head, kinahanglan lang dugang nga training ang mga personnel labi na ang mga medical technologist para matigayon ang accreditation. Indi bag-o ang walking pneumonia sa pungsod. Sa datus sang Department of Health sa gin-report influenza like illness, apat ang kumpirmado nga walking pneumonia. Sa Negros Occidental, gin-report man ang pagsaka sang infuenza like illness. Suno kay Pinongan wala diri sang kaso sang walking pneumonia.
Nagapabilin man nga manubo ang Covid-19 cases sa probinsya. May isa ka kaso sa Sagay suno sa iya kag tatlo ang na admit sa pribado nga ospital. Wala sang may na admit sa government Covid designated hospital suno kay Pinongan. Pero karon nga tuman ang pagtililipon dala sang holidays, abiso niya nga kun mahimo mag gamit sang face mask kag mas maayo nga pabakuron ang immune system.