Ginlabo sa li-og kag napatay ang isa ka mangunguma samtang naga-inom-inom sa Sitio Pasto, Purok 5 sa Barangay Basak, banwa sang Cauayan, Negros Occidental.
Ang suspek, iya man lang kaugalingon nga hinablos.
Nagluntad ang insidente Sabado sang gab-i, Agosto 23.
Naga-inom sang tuba ang 44-anyos nga biktima upod ang iya abyan sang mag-abot ang 26-anyos nga suspek.
Nag-gwa sa imbestigasyon sang kapulisan nga naglalisay ang mag-tiyo angut sa ila uma tubtob nga ginlabo sang suspek ang biktima sa liog.
Narekober ang binangon nga gingamit sa insidente kag nadakup man ang suspek.
Hinubog kag indi pag-intyendihanay ang ginalantaw sang kapulisan nga nag-trigger sa insidente.
Suno kay Lt. Col. Lowell Garinganao, hepe sang Cauayan PNP, ginahulat na lang nila ang asawa sang biktima kun sila ang magapasaka sang kaso nga homicide batuk sa suspek.