Shadow

Tikoy sold out, pangpa swerte mabakal subong ng Chinese New Year

Bisperas pa lang sang Chinese New Year kahapon nagdagsa na ang mga bumalakal sa Hua Kong sa Tindalo sa Bacolod.

Gani humalin sang aga, sold out na ang mga baligya nila nga Chinese tikoy. Halos paubos naman ang tikoy sa iban pa nila nga mga branch.

Suno kay Chin Canada, nangin tradisyun na sang mga Filipino-Chinese ang maghanda sang mga tikoy sa pagpati nga ini ang nagapabaskog sang pag-inupdanay sang pamilya.

Nangin mabakal man pati ang mga ginabaligya nga mga pampaswerte kasubong sang mga figurines kag hanging door chimes nga may water tiger design.

Sarang ini mabakal sa tag siento beinte pesos tubtob siento sinkwenta pesos.

Kada tuig nangin kabahin naman sang tuigan nga kahiwatan sang siudad ang Bacolaodiat Festival nga nagahatag atraksyon kun Chinese New Year.

Secured By miniOrangeSecured By miniOrange