Na unod-unuran na ang tigre nga si Byron karon. Matapos ang walo ka bulan ang tigre, buaya kag mga amo nga gikan sa Amlan Zoo sa Negros Oriental ang na adopt na kag ginsaylo sa Kalibo Zoo sa Aklan sang nagligad nga bulan.
Pero may camel, miniature horse, mga wild boar, mga usa, mga peacock, mga crown pigeons, mga kabayo kag rabbit nga nabilin pa sa Amlan Zoo.
Para sa grupo nga Community Animal Rescue Efforts ukon CARE Inc., mas maayo pa gid tani kun masaylo man sila sa Aklan para sa eksakto nga pagtatap kag pagsagod.
Damlag pa naglab-ot sa igtalupangod sang Department of Environment and Natural Resources ang kasapatan sa zoo nga napabay-an kag wala gina pakaon.
Nagapasalamat sila sa tagdumalahan sang Kalibo Zoo sa pag adopt sang sini nga mga kasapatan kag sa mga nangin instrumento para matigayon ini.