Opisyal na nga gin-anunsyo sang PAGASA ang pag sugod sang tig-ululan.
Sandig sa pinaka ulihi nga weather analysis kag rainfall data gikan sa pila ka mga istasyon sang DOST-PAGASA, na-obserbahan ang lapta-lapta nga pag-ulan tubtob sa mabunok nga ulan sa nagligad nga lima ka adlaw tuga sang southwest monsoon ukon habagat.
Ini ang sinyales sang pagsugod sang tig-ululan sa mga nakatundan nga bahin sang Luzon kag Visayas.
Pero mahimo nga may pag untat sang pag-ulan nga pwede magalawig sang pila ka adlaw ukon semana kag ini ang ginatawag nga “monsoon breaks”.
Samtang padayon ang monitoring sang PAGASA sa lakat sang panahon kag klima, gina abisuhan ang publiko kag ang mga nagkalain-lain nga ahensya nga maghanda kag maghalong batuk sa posible epekto sang tig-ululan, habagat kag iban pa.
Temporaryo naman nga iga suspend sang PAGASA ang heat index issuance. Importante nga sa karon tutukan ang paghatag sang timely nga impormasyon angut sa hazards kag protential impact may kaangtanan sa rainy season suno sa PAGASA.
Ang daily monitoring sang heat index, kag issuance sang forecast maga resume sa March 1, 2026.