Sa meeting nanday Mayor Greg Gasataya upod sa tiglawas sang Tourism Infrastructure Economic Zone Authority ukon TIEZA napatpat ang mga tikang para sa ginapaabot nga rehabilitation kag improvement sa water fountain sang Bacolod Public Plaza kag Bacolod City Government Center nga suguran sini nga Hulyo.
Magalawig ang proyekto tubtob sa madasun nga tuig, pero ginpasalig sang TIEZA nga unahon nila ang pag-install sang mga lighting system agud indi ini maka-apekto sa natalana nga MassKara Festival celebration sa Oktubre.
Ginsiling sang alkalde nga ginakinahanglan ang hugot nga coordination upod sa TIEZA agud nga indi mauyang ang pondo sang gobyerno ilabi na nga may ginapatuman nga improvement ang Bacolod LGU sa Bacolod Public Plaza.
Una nga ginsuguran sang nagligad nga semana sang DRRMO kag City Engineer’s Office ang pagkaayo sang mga naguba nga suga pati na ang pruning ukon pag-utod sang mga sanga sang kahoy agud mapasiuguro nga hilway kag masanag ang lugar para sa mga nagabisita sa plaza sang siudad.