Naka-plastar na ang plano para sa rehabilitation sang mga water fountain sa Bacolod Public Plaza kag Bacolod City Government Center.
Pero suno kay City Administrator Lucille Gelvolea, nagahulat pa ang TIEZA nga amo ang nagapatuman sang infrastructure project sang approval gikan sa Department of Environment and Natural Resources Office.
Kabahin sa mga requirement sa mga water theme park kag water fountain projects ang environmental compliance certificate gikan sa Environmental Management Bureau.
May malapit P300M ang ginpain nga pondo sang TIEZA para sa proyekto.
Ginapaabot ini nga matapos dungan sa pagsaulog sang tuigan nga MassKara Festival sa Oktubre.