Ginkumpirma sang Department of Justice (DOJ) nga naaresto sa Timor Leste si anay Negros Oriental Representative Arnolfo Teves, Jr.
Sa isa ka press statement sang DOJ, si Teves nga ginkabig bilang terorista ang naaresto sa Dili, Timor Leste samtang nagahampang sang golf kahapon sang hapon.
Si Teves nagapangatubang sang nagkalain-lain nga murder cases may kaangtanan sa pagpatay kay Negros Oriental Governor Roel Degamo kag lima ka iban pa sang Marso 2023.
Suno kay Justice Secretary Crispin Remulla nga ang pagkadakop kay Teves isa ka pamatuod sa mahimo matabo kon may international cooperation.
Ginapasalamatan ni Mayor Janice Degamo, ang ti-ayon sang napatay nga gobernador, ang pagka aresto sa gina kabig mastermind sa pagpatay sa iya nga mister. Para sa iya, dalayawon kay buhi ang Diyos.
Si Negros Occidental Governor Eugenio Jose Lacson naman nagsiling nga may hambalanon nga “you can run but you can not hide”, pero matugutan na si Teves sa pag depensa sang iya kaugalingon sa proper forum.
Si Teves ang yara sa kustodiya sang Timor Leste Police samtang gina hikot ang iya pag abot sa Pilipinas nga ginatrabaho pa sang NCB-Dili sa koordinasyon sa team halin sa NCB-Manila kag Dili Philippine Embassy.