Ginalantaw sang Office of the Civil Defense ang pag-expand sang extended permanent danger zone sa palibot sang bulkan Kanlaon gikan sa anum ka kilometro padulong sa 10 kilometro.
Ini kasunod sang na monitor nga low pressure area sa Mindanao nga gina lantaw sarang maka tuga sang lahar flow sa isla sang Negros.
Suno kay Raul Fernandez, ang pamuno sang OCD – Western Visayas kag pamuno sang Task Force Kanlaon, kabahin ini sang ila nga plano para sa worst case scenario.
Paathag niya, gina siling sang Philippine Institute of Volcanology and Seismology nga nagapabilin sa gihapon ang posibilidad sang explosive eruption sang bulkan kag dugang pa diri ang malain nga panahon nga ginapaabot maga dala sang mabunok nga ulan.
Ginsiling man ni Fernandez nga may plano man sila nga sayluhon ang mga evacuation center nga yara sa sulod sang range sang 6 to 10 kilometers pag gwa ukon sa indi magnubo sa 14 kilometer radius.
Sa karon may 29 ka evacuation centers sa Negros Island, upod na ang napulo ka mga 10 family tents nga na set up sa La Carlota City.
Suno kay Fernandez sa report sang Department of the Interior and Local Government, 99.17% ang evacuation rate sang mga pumuluyo nga yara sa permanent danger zone.
Sa kabilugan ini sila mga 5,772 ka pamilya ukon 18,475 ka persona.
“Kinakabahala nga natin is yung PDC. Yung lahar threat. Naka amba pa rin. Kasi habang andyan yung PDC sa slope ng bulkan and then meron tayong parating na bagyo, posible mag worsen ang situation. We don’t want na may kababayan pa rin tayo na nasa danger zone. We might expand. Kaya binabantayan natin ang PAGASA, yun ang magiging trigger natin to execute the massive evacuation”, suno kay Fernandez.