Shadow

TF Botagoy nagapaandam batuk sa pagbakal sang hot meat

File photo

Task Force Botagoy ang nagapahanumdum sa publiko nga maghalong batuk sa pagbakal sang karne sa merkado nga wala sang meat inspection certificate.

Suno sa pamuno sang task force nga si Martin Penaga, madamo sa karon ang naga-ihaw kag nagabaligya sang karne bangud mataas ang demanda sang bakalanay sini bilang pagpanghanda para sa Noche Buena.

Dapat siguruhon sang publiko nga may yara sang Meat Inspection Certificate ang ila ginabaklan sang karne para masiguro nga matinlo kag safe ini nga kan-on.

Ang MIC ang nagapamatuod nga naglabay sa slaughter house sang siudad ang karne.

Padayon karon ang paglibot sang task force sa mga merkado sa siudad pati na sa mga supermarkets para masiguro nga may certificate ang ila mga ginabaligya nga karne.

Ginadumili-an man ang pag-ihaw sang baboy sa ugsaran sang panimalay kag pagbaligya sang karne sini sa publiko.

Secured By miniOrangeSecured By miniOrange