Office of the Civil Defense Negros Island Region ang padayon nga naga set-up sang mga tolda sa Cabacungan National High School – Masulog Extension.
Paathag ni OCD NIR Director, Donato Sermeno, III, wala sila nadayon sa Mansalanao, gani ginpakamaayo nga sa Cabacungan National High School mag pahamtang sang tents.
Ang mga tolda ang gina handa para sa mga evacuees sang Brgy Cabagnaan nga tubtob sa karon ang naga tenir sa mga classroom.
Suno kay Sermeno, kuntani, June 16 pa nahawanan na ang mga classrooms sang tagsa ka mga eskwelahan sang mga evacuees. Sa La Castellana National High School – Senior High School , 12 ka mga classroom ang gintugatan anay sang DepEd nga teniran.
Sa Junior High School naman, 11 ka mga classroom ang gina gamit pa sang evacuees.
Kag mismo sa La Castellana Elementary school suno sa DepEd may mga duha tubtob tatlo pa ka classroom ang gina gamit sang evacuees nga senior citizen, naga busong kag mga PWD.
Suno kay John de Asis ang Municipal Disaster Risk Reduction Management Officer sa karon may 511 families ukon 1,612 individuals ang nagapabilin sa mga evacuation center.
Ginapaabot nga ang mga evacuees sang Cabagnaan ang masaylo sa mga tents.
Suno kay Sermeno, may mga OCD tents man nga napahamtang na kag okupado na – 124 ka tents sa La Castellana kag apat naman sa La Carlota.
Ini naman nga mga tents ang yara sa sulod sang mga covered courts.
Tungod nga tig-ululan na, may pending nga request para sa mga folding beds bangud may kabudlayan man ang salog sang mga tents.
May sakoline man nga ginpang hatag bilang dugang nga proteksyon gikan sa ulan.
“(para na sa sin-o nga mga evacuees?) mga taga Cabagna-an kag sila gid ya ang wala sang balikan. Kay within 6 kilometers sila. Ato sila gihapon sila sa Senior High kag Junior High. (that means from the Senior High and Junior High they will be transfered?) Ma move out gid sila, para ma ka comply kami nga ma vacate namon ang classrooms. (may deadline na sir?) supposed to be before June 16 dapat tanan. Ugaling may consideration man nga ginhatag ang DepEd nga maka extend gamay. Ang target namon tani sadto within one week. Ugaling ang sa Mansalanao wala nadayon ang transaction”, suno kay Sermeno.