Mga tolda sa tent city sa Himamaylan ang ginpahimos na lamang.
Samtang, Task Force Kanlaon ang maga tutok naman sa pag relocate sang mga naga puyo sa 4 kilometer permanent danger zone.
Karon nga napapanaog na sa Alert Level 2 ang bulkan Kanlaon, temporaryon gin pa himos na lamang ang mga tolda sa tent city sa Himamaylan, pero ang mga frames gin pabilin.
Suno kay Regional Task Force Kanlaon head, Raul Fernandez, ginhatag na sang Office of the Civil Defense sa Himamaylan City ang mga tents nga masobra sa 300 nga ginpahamatang sa tent city nga para kuntani istaran sang mga apektado kun nagsaka sa alert level 4 ang Kanlaon.
Pwede na ang mga tolda ma safekeep ukon magamit man sang Himamaylan kun mag abot ang tion nga kinahanglan nila.
Iya sang Himamaylan ang duta nga gina pahamtangan kag iban pa gid kaangay sang mga portalets base sa memorandum of understanding nga nalagdaan sang OCD sa LGU suno kay Fernandez.
Ang Task Force Kanlaon nga gintukod ni Presidente Ferdinand Marcos, Jr ang naga tutok na sa karon para man sa relocation sang mga naga puyo sa 4 km permanent danger zone – may 47 ka pamilya ukon 147 ka persona sa Canlaon City nga sakop diri kag 27 ka pamilya sa La Castellana.
Kun matigayon na ini dason naman na nga tutukan ang permanent evacuation center.
Samtang, maga padayon pa ang assistance para sa mga apektado nga damlag pa ginpahayag nga gin aprobahan na.
“Yung mga tents na yan are donated sa Himamaylan. They can make use of it sa future disasters. Pwede nang i-strike down, then for safekeeping.
Ang tutukan namin ngayon part kami ng national TF Kanlaon, as promised by the president na mag put up ng permanent relocation site para sa families na nandoon sa 4km permanent danger zone. Around 81 families yan”, suno kay Fernandez.
