267 sa 395 ka mga tolda para sa tent city sa Himamaylan ang tigayon na nga napahamtang. Samtang, may water tanks man nga na-install na.
Padayon ang installation sang mga tents sa Barangay III sa Himamaylan City.
Suno sa Office of the Civil Defense Western Visayas, 267 sa 395 ka tents ang naplastar na.
Wala labot sini may duha naman ka mga water tanks ang tigayon na nga nabutang.
Ang tent city ang maga house sang mga evacuees gikan sa mga kaiping nga lugar sa tion nga ipasaka sa alert level 4 ang bulkan Kanlaon.
Damlag pa ginsiling man sang OCD nga tuyo nila mag pahamtang man sang tent cities sa Guihulngan, Vallehermoso kag San Carlos City.
Sa pihak nga bahin, sa 24 hour observation report sang Phivolcs sa bulkan Kanlaon humalin Pebrero 13, las dose sang kaagahon tubtob las dose sang kaagahon sang Pebrero 14, may 17 ka volcanic earthquakes nga na-record ini.
2,958 naman kag tonelada sang sulfur dioxide kag may 500 metros nga kaatason sang plume, kag padayon nga degassing.
Nagapabilin man nga inflated ang edifice sang bulkan.
Suno kay Mari-Andylene Quintia ang resident volcanologist sa La Carlota Kanlaon Observatory, ang padayon nga pag steam karon sang bulkan mahimo nga wala sang plugging ukon pag bara sa bulkan.
“Kumbaga wala sang plugging sa system, amo na wala man kita sang ash emissions nga na-record. Pwede nga open na naman ang iya nga vent so ga sige-sige siya emit sang steam niya and mga gas”, suno kay Quintia.