Patay ang 18 anyos nga si Cyrus Mariano matapos tiruhon sang wala pa makilal-an nga persona sang Biyernes sa Barangay Mailum sa siudad sang Bago.
Sa imbestigasyon sang Bago PNP, naga katulog pa ang biktima las sais sang aga sang siya ang sudlon sa iya kwarto sang wala pa makilal-an nga persona kag gin tiro sang duha ka beses sa ulo kag isa sa dughan nga iya gin kamatay.
Tatlo ka fired cartridge kag isa ka fired bullet sang 9mm pistol ang na recover sa crime scene.
Suno kay Police Major John Joel Batusbatusan, hepe sang Bago PNP, may mga reklamo na sadto nga pagpangawat batuk sa biktima sang siya ang menor de edad pa lang. Isa ini karon sa ila gina tan-aw motibo sa pagpatay sa iya.