Arestado sa entrapment operation sa terminal sang bus sa siudad sang Kabankalan ang 19 anyos nga si Rodel Encontro.
Si Encontro nga nagapakilala bilang si Oscar Ocampo sa messenger ang gin reklamo sang 36 anyos nga babayi mataapos nga iya gin pahog nga ipalapta niy online ang mga litrato kag video sang biktima nga naga hublas kun indi siya tagaan sang P200,000 nga cash sang babayi kag kun indi siya makighilawas sa iya.
Suno kay Police Captain Mark Joeil Reclamado, OIC sang Ilog PNP, gulpi lang nag chat ang suspek sa biktima gamit ang isa ka dummy account kag iya gin pahug ang babayi.
Nagpangayo sang bulig sa otoridad ang biktima gani sang kagab-i ginpatigayon ang entrapment operation kag nadakop ang teenager nga suspek.
Detained na karon sa Ilog PNP ang suspek kag kaso nga robbery extortion ang ipasaka batuk sa iya.