Nadala pa sang personnel sang Emergency Operation Center Rescue ang 32-anyos nga lalaki sa Governor Valeriano M. Gatuslao Memorial Hospital matapos makaangkon sang pilas, apang siya ang gindeklarar nga dead on arrival sang Hwebes sang gab-i.
Suno sa attending physician, napatay ang biktima bangud sang Acute Coronary Syndrome.
Sa traffic investigation, ginamaneho sang biktima ang iya nga motorsiklo gikan Kabankalan kag padulong sa banwa sang Hinigaran.
Sang makalab-ot ang rider sa national highway nga sakop sang Sitio Naga, Barangay Suay sa siudad sang Himamaylan, gulpi lang siya nga nagliko patu-o nga direksyon kag nahulog sa higad sang dalan.
Naga-obra bilang technician sang isa ka financial services company ang biktima, kag siya ang residente sang Barangay Gargato sa Hinigaran.