Aprobado na sang Technical Working Group sa Committee on Local Government ang gina duso nga Negros Island Region Bill upod ang Siquijor.
Suno kay 5th district Representative Dino Yulo, pagkatapos sini gina paabot ang pag reconvene sang TWG, kasubong man ang pag pa gwa sang substitute Bill nga naga lakip sang Siquijor. Ang substitute bill ang iga present naman sa plenary.
“Actually gin include ang Siquijor. So, ma reconvene ang TWG upod na da ang Siquijor. Thereafter ma gwa pa ni ang report. Then ang substitute Bill”, suno kay Yulo.
Co-chair sang TWG si 6th District Representative Mercedes Alvarez. Ang TWG damlag pa ang gin task nga mag consolidate sang nag kalain lain nga mga hagna nga naga duso sang pag tukod sang NIR. Gina pasalamatan ni Alvarez si Rep Edu Rama nga chairman sang TWG kag Rep Rex Gatchalian nga chairperson sang Local Government Commitee sa suporta para sa NIR.
Gina pasalamatan man ni 3rd District Representaive Francisco Benitez, ang tanan nga Kongresista sang Negros Occidental kag Oriental sa suporta.
Naga serbe nga author kag co-author ang tanan nga mga kongresista sang Negros sa NIR Bill, lakip na si Rep Stephen Paduano sang Abang Likod Partylist.
Plano naman ni Governor Eugenio Jose Lacson nga mag pakig angut kay Governor Roel Degamo sang Oriental pag katapos sang holidays. Sa Regional Development Council ginpahayag na ni Degamo nga indi nya luyag mag balik ang NIR. Gin siling man ni Yulo nga sila ang maga pakig angut man kay Degamo.