Daw kasubong nga nagalutaw si mayoralty candidate Albee Benitez sa nagabaha nga supporters sang Asenso Bacolod nga nagdugok sa opening salvo kag grand rally sa Paglaum Sports Complex sang Sabado.
Kaupod ni Benitez ang sanday incumbent Congressman Greg Gasataya, Abang Lingkod Partylist Representative Stephen Paduano kag vice mayoralty candidate Atty. Ceasar Distrito.
Sa masobra stenta mil ka mga supporters ginpasalig sang katapo sang Asenso Bacolod ang paghatag balor sa mga Bacolodnon nga uhaw sa pagbag-o sa sahi sang panghimanwa.
Para naman kay paduano nga kun basehan ang kadamuon sang nag upod sa motorcade kag rally, makit an na ang resulta sang may local elections.
Sa Bacolod public plaza naman nagdagsa ang masobra kwarentay sinko mil nga supporters sang Grupo Progreso.
Sa pagpanguna ni Mayor Evelio Leonardia, incumbent vice mayoralty candidate El Cid Familiaran kag congressional candidate Dan Atayde ila ginpasalig nga mapadasig ang pagbangon sang siudad sa pihak sang pandemic.
Para kay Leonardia,tested and proven na ang grupo.
Local bands ang nagtukar sa plaza samtang si Bamboo kag Silent Sanctuary naman sa Paglaum.
Wala man napaiway ang habuyanay sang isyu nga naglab ot na sa plano nga pagpasaka sang kaso pagkaligad sang opening salvo sang magtimbang mga grupo.