Patay ang isa ka manunudlo sang mabunggo ang motor nga gina angkasan niya nga gina drive naman sang iya live-in partner sa Brgy. Dolis, banwa sang Calatrava kahapon sang aga.
Ang teacher nga napatay ginkilala kay Jennifer Leduna, samtang ang iya live-in partner nga nagadala sang motor ang ginkilala sa kay Noel.
Suno kay Police Captain Jess Alba, ang deputy chief of Police sang Calatrava PNP, nadulaan sang control si Noel sa motor bangud nga kurbada kag dulhugon ang dalan gani nagbunggo sila sa isa pa gid ka motor nga naga-park sa higad sang dalan nga may menor de edad nga naga tindog.
Nabali ang tiil sang menor de edad.
Gin deklara nga dead on arrival sa ospital ang biktima samtang ang menor de edad ang gin-transfer sa isa ka ospital sa Bacolod.
May pag areglohanay na sa bahin sang nagadala sang motor kag sa pamilya sang menor de edad suno sa PNP.