Tungod sa mabaskog nga pag bunok sang ulan dala ni bagyo Verbena, naguba na naman ang temporaryo nga taytay nga nagakonekta sa Barangay Ma-ao kag Barangay Binubuhan sa siudad sang Bago.
Apang sang nagkalma na ang panahon, liwat sila nag binuligay sa paghimo naman sang panibag-o nga temporaryo nga taytay agud magpadayon ang paglabay sang mga pumuluyo sa duha ka barangay.
Ang amo nga taytay una na nga naguba sang Nobyembre 4 bangud sang paglaslas sang bagyo Tino.
Agud may maagyan ang mga pumuluyo, nagbinuligay ang mga residente sa paghimo sang temporaryo nga taytay.