Na file na ang kaso nga Acts of Lasciviousness in relation to Republic Act 7610 ukon Special Protection of Children Against Abuse, Exploitation and Discrimination Act batuk sa 60 anyos nga taxi driver.
Suno kay Police Lieutenant Arlyn Torrendon, pamuno sang Women and Childrens’ Protection Desk, gina paabot nila ang pag issue sang warrant of arrest matapos ang regular filing sang kaso kontra sa ginreklamo nga taxi drayber.
Gindugang ni Torrendon nga handa man ang WCPD office sa pagbaton sang dugang nga reklamu batuk sa drayber.
Nag viral sa social media ang ginpost nga video sang 16 anyos nga tagreklamu sang ginhikap sang taxi drayber ang iya paa samtang nagasakay siya sa front seat sang taxi.
Sa post ginsiling sang menor de edad nga makapila niya ka beses nga ginsaway ang drayber pero wala ini nagpamati.
Sa bulig sang taxi operator nakilal an ang drayber tubtob nga napahalin siya sa trabaho.