Nakainom nga driver nakabunggo sang taxi driver, biktima yara lang sa hood sang salakyan samtang nagadalagan sang lima ka kilometro.
Driver kag pamilya sang napatay nag aregolahanay. I-release subong nga adlaw ang 22 anyos nga driver sang salakyan nga naka bunggo kag nakapatay sa 58 anyos nga taxi driver nga si Leonilo Borbon sang Sabado sang kaagahon sa dalan Araneta sa Barangay Singcang-Airport sa Bacolod City.
Ini matapos ang initial nga areglohanay sang pamilya sang suspek kag sa pamilya sang biktima. Nabungguan sang salakyan sang suspek sang Sabado si Borbon nga nag tabok sa dalan gikan sa iya ginkan-an sa atubang sang Goldenfields Commercial Complex.
Matapos mabungguan, nag diretso pa sa pag drive ang suspek bisan yara na naka angut ang ulo snag biktima sa iya windshield. Suno kay Major Joery Puerto, hepe sang Police Statoin 8, posible dala sang kakulba kag kahulugbon man, amo nga wala na nag untat ang 22 anyos nga suspek.
Sa gasolinahan sa BS Aquino drive nahulog ang biktima gikan sa windshield kag didto na nag dalagan ang suspek kag nag sungka sa Police Station 2 bangud siya ang ginlagas naman sang mga nakakita. Natalana mag pirma sang affidavit of non-interest ang pamilya sang biktima suno sa Pulis, gani wala sang kaso nga ipasaka batuk sa suspek.