Tax relief sa delinquent Real property tax ipatuman sa Bacolod sugod sa Enero 1, 2023.
100 percent nga kakason ang penalties, interest lakip na surcharges sa mga delinquent real property taxpayers kun bayaran nila bilog ang ila buwis sugod Enero 1 asta Marso 31, 2023.
50 percent condonation naman kun sarang nila ma settle ang ila delinquent account sa Abril 1 asta Hunyo 30, 2023. Ini matapos nga gin-aprobahan na sa third and final reading sang konseho sang siudad ang ikaduha nga ordinansa nga nagahatag sang tax relief sa real property taxes tuga man sang epekto sang Covid – 19 pandemic. Nagapati si Councilor Al Victor Espino nga nag-author sang ordinansa nga pinaagi diri sarang maka-generate sang P200 million nga payment collection ang siudad halin sa mga delinquent real property taxes. Sakop sang tax relief ordinance ang residential,
industrial, commercial, agricultural nga klase sang real properties nalakip na improvement kag machineries.