Ginaduso sa probinsya karon ang ordinansa nga naga condone ukon naga reduce sang real property tax kag interest sang mga property owners para sa 2022.
May pila ka mga land owners suno kay Atty Rayfrando Diaz ang naghinyo paagi kay Governor Eugenio Jose Lacson sang tax relief.
Nagsapol na ang committee on finance sa pagtalakay sang mangin kaundan sang ordinansa.
Suno kay Diaz mahimo sa record sang gobyerno probinsyal as of November 2020 nagdangat sa 2.8 billion pesos ang tax delinquency ukon ang dapat kolektahon sang probinsya.
Ang ordinansa suno sa provincial administrator ang nagatuyo nga mag engganyo sa mga real property tax payer nga magbayad kasubong man mabuligan sila sa ila nga mga balayran.
Isa sa gina lantaw amo nga mahimo bayaran anay ehemlo 20 porsiento sa kabilugan nga balayran kag ang nabilin pagabayaran sa sulod sang 24 ka bulan nga wala na sang interest.
Hatagan man sang tyansa ang yadtong nga auction ang ila nga propiedad sang tion nga ma redeem ini.