Tatlo ka mga posible private armed groups sa Western Visayas ang gina monitor sa karon.
Base sa report sang Police Regional Office 6 ang posible private armed groups nga gina monitor ang yara sa Negros Occidental.
Ang pag disband sang private armed groups ang damlag pa ginmando ni Presidente Ferdinand Marcos Jr., kasunod sang natabo nga pag patay kay anay Negros Oriental Governor Roel Degamo kag siyam ka iban pa.
Matapos ang Regional Peace and Order Meeting kaina sang aga nga gina pamunuan ni Negros Occidental Governor Eugenio Jose Lacson, ginsiling sini nga ang importante ang grupo ang ma-identify kag ma-monitor. Suno kay Police Regional Director, Brigadier General Sidney Villaflor, technically wala sang private armed group sa rehiyon.
Padayon man ang koordinasyon sa mga opisyales angut sa posible pamahug ukon threats nga ila nabaton. Wala na ginpalayag pa ni Villaflor kun may mga opisyal gid man nga nakabaton sang threat.
Samtang, padayon pa nga nagahulat ang pulis kag militar sa guidelines sang Comelec sa pagdeklarar sang Election Watchlist Areas ukon EWAS kasubong man hot spots. Sang tinalikdan nga eleksyon may 37 ka mga banwa kag siudad sa Western Visayas ang gin kabig EWAS.