Detained na karon sa San Enrique PNP ang tatlo ka mga persona nga suspek sa pagpatay sa 18 anyos nga Grade 10 student sang nagligad nga Setyembre sa Barangay Guintorilan sa San Enrique, bangud sang hazing.
Gin serve sang PNP ang warrant of arrest sa kaso nga paglapas sa Anti Hazing Law sa mga suspek nga sanday Rexie Daylosan, Niel Villarde kag 19 anyos nga si Johnrey Ermosillas.
Ang tatlo amo ang gina tudlo nag papaidalom sa initiation kag hazing sa biktima matapos sila magtambong sa kaadlawan sang Grade 10 student. Ini matapos man nila i recruit sa fraternity ang biktima.
Anum ka adlaw ang nagligad napatay ang estudyante bangud sang mga naagum nga samad tuga sang hazing.
Gina hulat karon sang PNP ang commitment order agud ma saylo sa BJMP ang mga suspek.