Sukot sa residential electricity rates sa tatlo ka mga major utility nga naga serbe sa Negros Occidental ang nagsaka sini nga bulan sang Oktubre.
Ang Northern Negros Electric Cooperative ang may pinaka mahal nga rate kag may pinakamataas nga month-on-month nga saka.
Ang rate sang NONECO nagsaka sa P0.4807 per kilowatt-hour. Gani sini nga October mangin P17.62261 ang kada kWh.
Ang Negros Occidental Electric Cooperative naman ang nagsaka sa P0.0863/kWh. Gani karon ang rate sini P16.2291 na ang kWh.
Ang Negros Electric and Power Corp ukon Negros Power naman ang may pinaka manubo nga saka – P0.0204/kWh. Ang residential rate sini karon sa Oktubre P14.2691.
Ginsiling sang NONECO nga ang ginpatuman nila nga saka bangud man sang pagsaka sa presyo sa Wholesale Electricity Spot Market kasunod sang wala gina paabot nga outages sang mga major nga planta sa Visayas grid kag congestion sa transmission lines.
Ginsiling man sang NONECO nga ang October rate nila nagalakip na sang staggered recovery sang damlag pa na defer nga WESM charges, ang final nga 25 percent installment para sa June, ang ikatlo nga 21.25 pecent installment para sa July kag ang ika duha nga 25 percent installment para sa August.
[sibwp_form id=1]