Tatlo ka mga job order workers kag casuals sa siudad sang Kabankalan ang nag positibo sa pag gamit sang iligal nga droga.
Suno kay Mayor Benjie Miranda, sang nagligad nga Martes ginpaidalom sa drug testing ang 200 tubtob 300 ka mga empleyado sang siudad sa idalom sang City Social Wefare and Development Office.
Ang mangin sanction suno sa alkalde sa tatlo ka mga nag positibo sa pag gamit sang iligal nga droga amo ang non-renewal sang ila nga mga kontrata.
Ginsiling man ni Miranda nga tuyo niya man ipaidalom sa drug test ang iban pa gid nga empleyado sang siudad sakop sang iban nga departamento.