Tatlo ka mga carnival sites ang ginaplano itukod sang Bacolod Yuhum Foundation para sa Masskara Festival 2024.
Tungod sang nagapadayon nga construction sang Legislative Building sa likod sang Bacolod City Government Center, plano sang Bacolod Yuhum Foundation nga isaylo ang carnival sa bakante nga lote nga ginapa-lease sang pamilya Gonzaga malapit lang BCGC kag esplanade.
Ginpahayag ni Jericho Redil, Finance kag Administrative head sang foundation nga magluwas sa BCGC ginaplano nila nga gamiton ang old airport para man sa carnival kag pati na ang portion sang Bacolod Baywalk sa reclamation area.
Sa karon may apat na ka mga natalana nga festival sites ang foundation upod sa Bacolod LGU.
Nalakip diri ang BCGC grounds, Megaworld The Uppereast, Bacolod Public Plaza kag Lacson street.
Bukas ang foundation sa pagbaton sang application sang interesado nga magnegosyo sa mga kiosko sang festival sites.