Tatlo ka mga command post ipahamtang sang POSO sa BCGC para sa nagahilapit nga MassKara Festival.
Nasuguran na ang pagtukod sang mga carnival rides sa anay bakante nga lote sa likod sang Bacolod City Government Center.
Ginsiling ni POSO head retired Police General Primitivo Tabujara, ang carnival sang kabahin butangan nila sang command post para mapasiguro ang kalinong kag mapunggan ang mga kaso sang pagpangawat kag posible kinagamo sa nagahilapit nga MassKara Festival sa Oktubre.
Tatlo tanan ka mga command post ang ipahamtang sa BCGC.
Diri man maga-tenir ang mga emergency responders kag iban pa nga mga security personnel nga magabulig pabaskog sang seguridad sa tuigan nga kahiwatan.
Kaina ginsapol na ni Tabujara ang katapo sang POSO kabahin sang pag panghanda para sa deployment sang personnel sa mga festival sites.