Free shuttle service para sa mga empleyado sang gobyerno probinsyal ang ginsugdan na sini nga Lunes.
Suno kay Provincial Administrator Rayfrando Diaz tinutuyo sang amo nga tikang nga mabuligan ang mga empleyado labi na ang yara sa low income bracket nga maka kinot.
Gina lantaw sang gobyerno probinsyal nga maga lawig pa ang problema sa produkto petrolyo rason nga ginpahamtang ang libre nga shuttle service nga may yara sang tatlo ka pick-up kag drop-off points – sa norte sa Silay City Public Plaza, sa sur sa Bago City DepEd naman kag sa central sa Murcia public plaza.
“We cannot turn a blind eye sa pangabudlay sang aton mga empleyado. Maghalin sa Murcia, sobra na P100 ang gasto nila, so kadako nga buhin sa ila nga gina pangita sa aton”, suno kay Diaz.
Dugang pa ni Diaz, bisan gani ang may mga salakyan gina haylo man nila nga mag avail sang free shuttle service. Antes las 8 sang aga gina paabot nga yara na ang mga empleyado sa kapitolyo kag las 5:30 naman sang hapon maga halin para magdul-ong sa drop-off points ang shuttle service.
“That is a way of saying we are taking care of our employees”, suno kay Diaz.