Task Force Disiplina nangin estrikto na sa pag issue sang citation ticket sa mga nagalapas sang minimum health protocols sa mga pampubliko nga lugar sa Bacolod City.
Sumugod sang Enero dise otso, siyam lang ka mga pumuluyo ang na isyuhan sang citation ticket sang task force bangud ila lang anay ginapahanumdum kag ginapaandaman ang mga wala nagasunod sa health protocol.
Pero subong nga adlaw, may siyam ka mga persona sa Barangay Granada nga gin isyuhan nila sang citation ticket bangud wala sang face shield kag indi eksakto nga pagsuksuk sang face mask.
Gina isa isa libot sang task force ang mga barangay sa bacolod kag ginapasiguro nga nagasunod sila sa ordinansa sang siudad nga nagamando sang pagsuksuk sang face mask, face shield kag pagsunod sa physical distancing.
Magabutang man sila sang miembro nila sa north kag south bus terminals para mapasiguro nga ang mga pasahero nga nagasulod sa Bacolod ang magsunod sa ordinansa.
May yara sang multa nga 200 pesos ang mga magalapas sang ordinansa nga taga Bacolod kag 300 pesos naman para sa indi taga Bacolod.
Kun indi makabayad mahimo man ang persona nga gin isyuhan sang ticket nga mag community work sa barangay.