Ang Task Force Botagoy nga ginapangunahan ni Dra. Ma. Agueda Tinidad Dela Torre kaupod sang iban nga katapo sang bag-o nga ginpasad nga hubon ang nagbisita sa pila ka mga ihawan kag storage facilities diri sa ciudad sang Bacolod.
Ang nasambit nga Task Force ang bag-o ginpasad kag gin reorganize ni Mayor Albee Benitez pinaagi sa Executive Order No. 007 nga ginpirmahan sadtong Hulyo 13 sini nga tuig.
Una nga gin-usisa sang Task Force sini nga adlaw amo ang Jentec Storage, Inc. saBrgy. Mansilingan, Bacolod City. Ang nag-assist sa inspection team amo si Mr. Julieto Alolod, ang Quality Assurance and Safety Officer sang Jentec.
Ang Jentec amo ang bodega sang mga produkto nga gina panag-iyahan sang CDO Foodsphere, Inc., Virginia Food, Inc kag Jollibee.
Suno kay Task Force Head Dra. Ma. Agueda Tinidad De la Torre, nagapatigayon sila sang regular nga inspection agud ipasiguro nga may yara sang proper handling kag husto nga storage sang mga produkto gikan sa luwas ukon gikan sa iban nga bahin sang Pilipinas ang nasambit nga storage facility sang Jentec.
Ang Task Force Botagoy gina bug-osan sang City Mayor’s Office, City Veterinary Office, Committee on Markets sang Sangguniang Panlungsod, National Meat Inspection Service, Philippine National Police, City Legal Office kag Public Information Office.