May 18 ka mga vaccination teams ang Negros Occidental para magbulig sa vaccination drive sang probinsya karon nga ginsugdan na ang Bayanihan Bakunahan National Vaccination days.
Sa Food Terminal Market of Negros Occidental nagpatigayon man sang vaccination drive kasubong man sang online vaccination registration.
300,000 ang target sang Negros Occidental nga suno kay Governor Eugenio Jose Lacson ang ginpanubuan na sa 60 percent.
Labing gintinguhaan sang Negros Occidental nga malambot ini. Suno kay Lacson sa ila inisyal nga report, madamo man ang nagpila para sa amo nga vaccination drive kag kuntani ini ang mag tayuyon sa masunod nga mga inadlaw indi lamang para sa National Vaccination days.