NOCPPO gina tan-aw nga mabakunahan na ang tanan nga kapulisan sa probinsya sa sini nga bulan.
Sa masobra duha ka libo nga uniformed kag non uniformed personnel sang Negros Occidental Police Provincial Office, 142 na lang ang nabilin sa karon nga wala pa nabakunahan batuk sa Covid-19.
Pero suno sa PIO sang NOCPPO, Police Lt Abegael Donasco, mahimo mabakunahan naman ang tanan nga kapulisan antes magtakop ang bulan.
Sila ang nagbaton sang abiso suno kay Donasco gikan sa regional headquarters nga kumpletuhon na ang pagbakuna sa kapulisan subong nga bulan.
Pero gin dugang man ni Donasco nga maga depende ini sa gihapon sa LGU ukon sa probinsya kun may mapain pa nga bakuna para sa mga pulis.
2,120 ka mga personnel sa NOCPPO ang nabakunahan.
Samtang, may yara sa karon sang apat ka active Covid-19 cases ang NOCPPO. Tatlo sa diri ang nakabatun na sang bakuna.
215 ang total cases sang NOCPPO kag 209 ang naka recover na.